【25°C 日常】我的名校secret

上年6月9號,跟住一班母校師姐師妹一齊遊行。老實講,其實我一直無為自己讀Paul Con而自豪過,因為呢學校俾我既記憶唔係太好。

入學校訓時覺得 “為一切人 成為一切" 真心型,所以我一直都好努力搞班會,參與課外活動。但呢,現實話我知,當你文科差一分先入得返原校,而學校仲有一個後補位時,就算你拎住堆cert連續幾日返去喊住敲門,sister都唔會睇呢啲;而會將個位俾一個理科少你兩分,無玩課外活動,不過daddy捐左錢俾學校嘅同學。

嗯,多謝sister教識我現實係好多不公義。

我唔否認Paul Con俾左好多野我,包括喺玩課外活動中學識nothing is impossible嘅心態同make things happen嘅行動力。不過呢,負面嘅影響都有好多,例如我整個中學生涯基本上無睇過,亦無機會同同學/老師討論過時事。又另外,精英主義令我覺得中文好同分析力好係無用,因為喺呢間學校入面無空間俾你發揮。

記得當年我文科拎住16分想返原校repeat,然後老豆威迫利誘我返將軍澳讀AL。呢個係老豆除左幫我起名之外,唯一幫我下過嘅決定,亦係最正確嘅決定。

好似有啲圖文不符……其實我只係想講,上年6月9號,我好開心見到原來Paul Con有咁大班關心時事而且行動力超勁嘅師姐師妹。喺遊行隊伍中,我第一次感受到sense of belongings。



相關文章 Related Blogs

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s