【25°C 日常】舉報歧視App介紹返

 @foundfaithinlove 日前推出咗一個名為 “VoiceOut!" 嘅舉報歧視app。(下載點:https://voiceoutapp.hk/

🏳️‍🌈可以舉報啲咩?

除咗現行四條歧視條例涵蓋嘅性別、殘疾、家庭崗位同種族,仲包年齡、性傾向同性別認同。由於性傾向及性別認同歧視條例爭取超過20年都未立法,性/別小眾朋友遇上歧視好多時都投訴無門,呢家就可以試下呢個app喇。

值得一提嘅係,唔一定當事人先可以舉報,目擊者都可以。如果擔心,亦可以用telegram匿名舉報。

🏳️‍🌈舉報完又點?

根據佢個app所講,10日內會有人review你個case,團隊會聯絡你商討可以有咩後續行動,當中包括交俾法律合作夥伴、相關機構、社工、調解員等等。

而我自己覺得最重要嘅係,相關資料有可能用作研究公共政策。以性/別小眾為例,呢家投訴無門嘅情況下,好難有case話俾社會(或者政府啦下)知歧視嘅實際情況,所以收集case真係好重要!

🏳️‍🌈點舉報?

click入個app,提供包括案發時間、人物、地點嘅基本資料,亦可以upload相、video同埋audio file,應該愈詳盡愈好啦。

🏳️‍🌈但其實……點先算歧視?

的確係好問題,我都話唔到你知…🙂 特別對性/別小眾嚟講,由於未有歧視條例,所以好多case好難界定。但正正因為咁,就更加要搵專業人士幫手!所以,就算你唔知你遇到嘅事算唔算歧視,都可以試下,提供詳盡資料,俾專業人士為你提供意見啦~

💞輕輕一提,app入面有一個小故事欄位,如果你願意公開分享你嘅故事(特別係歧視經歷),可以PM我詳談。 💞


如果喜歡我的分享,like和follow我fb and ig吧!
FB: Mo’s 25°C Journey
IG: cammykwok_mo


相關文章 Related Blogs

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s